Header Ads

Sarike Ninne Kaanan Lyrics - ശാരികേ നിന്നെ കാണാന്‍ - Rakkilipattu Malayalam Movie Songs Lyrics


 
ശാരികേ നിന്നെ കാണാന്‍ താരകം താഴേ വന്നു
ആശംസയേകാനെന്റെ സ്നേഹവും പോന്നു 
കണ്ണിനും കണ്ണല്ലേ നീ കത്തും വിളക്കല്ലേ നീ
സൗഹൃദം പൂക്കും പോലെ എന്നിൽ സുഗന്ധം

മഴവില്ലു പോലെ ഏഴു നിറമെഴും
നിമിഷങ്ങൾ ഉതിർക്കുന്ന ചിരിയിലും
അണിയും നമ്മൾ ലോലമഴയിതൽ
അഴകിതൾ പൊഴിയുന്നൊരിരവിലും
തരുന്നു ഞാനെൻ പൂക്കൾ
കിനാവിൻ സമ്മാനങ്ങൾ
ഒളിക്കും പൂത്താലങ്ങൾ
അണയ്ക്കും പൊൻ നാളങ്ങൾ

ഇടനെഞ്ചിൽ തുടികൊട്ടിയുണരുന്നു
ഒരു മണിക്കുയിലിന്റെ സംഗീതം
ഒരുമെയ്യിൽ ഇരുമെയ്യിൽ പടരുന്നു
കരളിൽ നിന്നുതിരുന്നൊരുന്മാദം

ശാരികേ നിന്നെ കാണാന്‍ താരകം താഴേ വന്നു
ആശംസയേകാനെന്റെ സ്നേഹവും പോന്നു

കുളിരുള്ള തെന്നൽ വാർമുടി ചീകി
വസന്തത്തിൻ കതിരൊളി അണിയിക്കും
ശലഭങ്ങൾ പാറി നിൻ വഴിയിൽ നീളെ
മണമുള്ള മലരൊക്കെ വിരിയിക്കും

ഉദിക്കും നക്ഷത്രത്തിൽ വിളങ്ങും സൗഭാഗ്യങ്ങൾ
തുടിക്കും തിങ്കൾക്കീറിൽ തിളങ്ങും സങ്കല്പങ്ങൾ
ഇനി നിന്റെ ഉയിരിന്റെ പൂങ്കാവിൽ
ഇളവെയിൽ കുരുവികൾ പാടേണം
ഇവിടുന്നു നുണയുന്ന മധുരങ്ങൾ
ഓർമ്മയിൽ നുര കുത്തി പടരേണം

ശാരികേ നിന്നെ കാണാന്‍ താരകം താഴേ വന്നു
ആശംസയേകാനെന്റെ സ്നേഹവും പോന്നു

LYRICS IN ENGLISH

No comments

Note: Only a member of this blog may post a comment.

Theme images by imacon. Powered by Blogger.