Header Ads

Megharagathil Song Lyrics - മേഘരാഗത്തിൽ ഹിമസൂര്യൻ - Sradha Malayalam Movie Songs Lyrics


 
മേഘരാഗത്തിൽ ഹിമസൂര്യൻ
ഒരു നേർത്ത കൈത്തിരിയായി 
സാന്ദ്രസന്ധ്യേ നിൻ ഇടനെഞ്ചിൽ
ഒരു പാവം ദ്വാരക തേങ്ങി 
ഒരു ഹരിരാഗമായി ഒരു ജപസാരമായ് 
എങ്ങോ പറയാതെ പോയ് മായക്കണ്ണൻ

മേഘരാഗത്തിൽ ഹിമസൂര്യൻ 
ഒരു നേർത്ത കൈത്തിരിയായി

തൂവെളിച്ചം തേടും ഗോപവാടം
കാത്തിരിപ്പൂ കാണാക്കണ്ണനെ 
കേൾപ്പതില്ലാ നിന്റെ വേണുഗാനം 
കാൽച്ചിലമ്പിൻ മുത്തിൻ മഞ്ജുനാദം 
നിന്റെ ശ്രീവത്സമലിയുന്ന വർണ്ണം 
ഒരു നവരാത്രി ചന്ദ്രന്റെ പുണ്യം 
പാൽവെണ്ണ ഉരുകാതുരുകും 
നിൻ തരളിത മുഖഭാവം

മേഘരാഗത്തിൽ ഹിമസൂര്യൻ 
ഒരു നേർത്ത കൈത്തിരിയായി 

മഞ്ഞുകൂട്ടിൽ കുറുകും കുഞ്ഞുപ്രാവുകൾ 
നൊമ്പരത്താലൊന്നും മിണ്ടിയില്ല 
കാലിമേയ്ക്കാൻ പാടത്തോടിയെത്തും 
പാഴ്ക്കിടാങ്ങൾ പാട്ടുപാടിയില്ലാ 
നിന്റെ ചൂടാർന്ന തുടുനെറ്റിമേലെ 
പുലർ മഞ്ഞായ് തലോടുന്നു തിങ്കൾ 
കാറ്റിന്റെ വിരലാൽ തഴുകാം 
നീ മലരിതൾ മിഴി തുറക്കൂ

മേഘരാഗത്തിൽ ഹിമസൂര്യൻ
ഒരു നേർത്ത കൈത്തിരിയായി 
സാന്ദ്രസന്ധ്യേ നിൻ ഇടനെഞ്ചിൽ
ഒരു പാവം ദ്വാരക തേങ്ങി 
ഒരു ഹരിരാഗമായി ഒരു ജപസാരമായ് 
എങ്ങോ പറയാതെ പോയ് മായക്കണ്ണൻ

LYRICS IN ENGLISH

No comments

Note: Only a member of this blog may post a comment.

Theme images by imacon. Powered by Blogger.