Rebecca Uthup Kizhakkemala - Malayil


 
കിഴക്കേ മലയിലെ വെണ്ണിലാവൊരു 
കൃസ്ത്യാനിപ്പെണ്ണ്
കഴുത്തില്‍ മിന്നും പൊന്നും ചാര്‍ത്തിയ 
കൃസ്ത്യാനിപ്പെണ്ണ്

കിഴക്കേ മലയിലെ വെണ്ണിലാവൊരു 
കൃസ്ത്യാനിപ്പെണ്ണ്

അവള്‍ ഞൊറിഞ്ഞുടുത്തൊരു മന്ത്രകോടിയില്‍
ആയിരം സ്വര്‍ണ്ണക്കരകള്‍
അവള്‍ ഞൊറിഞ്ഞുടുത്തൊരു മന്ത്രകോടിയില്‍
ആയിരം സ്വര്‍ണ്ണക്കരകള്‍
അവളുടെ നീലാഞ്ജനമണിയറയില്‍
ആയിരം വെള്ളിത്തിരികള്‍
കെടുത്തട്ടേ നിന്റെ കിടക്കറ 
വിളക്കുഞാന്‍ കെടുത്തട്ടേ
മടിയില്‍ കിടത്തട്ടേ

കിഴക്കേ മലയിലെ വെണ്ണിലാവൊരു 
കൃസ്ത്യാനിപ്പെണ്ണ്

അരക്കെട്ടുമറയ്ക്കുന്നോരവളുടെ മുടിയില്‍
ആയിരം ശോശന്നപ്പൂക്കള്‍
അഹഹാ....അഹഹാ... ആ....
അരക്കെട്ടുമറയ്ക്കുന്നോരവളുടെ മുടിയില്‍
ആയിരം ശോശന്നപ്പൂക്കള്‍
അവളുടെ മൃദുമെയ്യിലാപാദചൂഡം
ആയിരമചുംബിത കലകള്‍
പുണരട്ടേ നിന്റെ ലജ്ജയെ ഞാനൊന്നു പുണരട്ടേ
മാറില്‍ പടര്‍ത്തട്ടേ

കിഴക്കേ മലയിലെ വെണ്ണിലാവൊരു 
കൃസ്ത്യാനിപ്പെണ്ണ്

Post a Comment

Previous Post Next Post